Кевин Де Брујне е еден од најдобрите светски фудбалери, а на „Етихад“ пристигна во летото 2015 година. Тој откри дека еден разговор со Пеп Гвардиола му го променил погледот кон животот.
Една година по неговото доаѓање, во клубот пристигна и Пеп Гвардиола.
„Кога се сретнавме за првпат, Пеп ми рече да седнам до него. Потоа, ми рече: „Кевин, слушај, лесно можеш да се најдеш меѓу петте најдобри фудбалери во светот. Топ пет, многу лесно. Тогаш бев шокиран, но тој тоа го кажа со толку силна верба. Тоа целосно го промени мојот менталитет. Тоа беше генијален потег. Оттогаш се обидувам да му докажам дека е во право“, изјави Де Брујне.
Белгиецот има 323 настапи во дресот на Манчестер Сити, постигна 89 гола и забележа 132 асистенции.
