Велика Британија ги отфрли обвинувањата на Русија дека членовите на британската морнарица минатиот месец го разнеле гасоводот „Северен тек“.
„ За да го минимизира катастрофалниот начин на кој се справува со нелегалната инвазија на Украина, руското Министерство за одбрана прибегнува кон лажни тврдења од епски размери“, изјави портпаролот на британското Министерство за одбрана.
To detract from their disastrous handling of the illegal invasion of Ukraine, the Russian Ministry of Defence is resorting to peddling false claims of an epic scale
This invented story, says more about arguments going on inside the Russian Government than it does about the west
— Ministry of Defence 🇬🇧 (@DefenceHQ) October 29, 2022
„ Оваа најнова измислена приказна кажува повеќе за аргументите во руската влада отколку за Западот“ додаде портпаролот.
Руското министерство за одбрана своето тврдење не го поткрепи со докази.
„ Според достапните информации, припадници на единицата на британската морнарица учествувале во планирањето, подготовката и извршувањето на терористичкиот напад во Балтичкото Море на 26 септември оваа година – минирање на гасоводите Северен тек 1 и Северен тек 2“, соопшти руското министерство.
