Иранскиот министер за надворешни работи, Хосеин Амир-Абдолахиан, изјави дека е подготвен за разговори со Украина поради тврдењата дека Исламската Република и продавала беспилотни летала на Русија за употреба во војната во Украина.
Во последните недели, Киев и неговите западни сојузници изнесоа тврдења во врска со извозот на беспилотни летала од Иран во Русија за употреба во тековната војна во Украина, пишува iranintl.com.
Сепак, тој ги отфрли обвинувањата и рече дека Иран не и дал и нема да и даде на Русија никакво оружје и беспилотни летала за употреба во Украина.
„Во минатото земавме оружје од Русија, а исто така извезувавме оружје назад, но не за време на војната во Украина“, изјави тој.
Додаде дека Иран и Русија соработуваат на различни полиња.
Коментирајќи го неговиот неодамнешен телефонски разговор со високиот претставник на ЕУ за надворешна политика, Жозеп Борел, тој рече:
„Нагласив дека Техеран е подготвен тим од воени експерти од Иран и Украина да ги проценат тврдењата за употреба на беспилотни летала од Иран во украинската војна“, кажа тој.
