Високиот претставник на ЕУ за надворешна политика и безбедност, Џозеф Борел, рече дека го поддржува утврдувањето одговорност за руските воени злосторства во Украина.
„Силно го поддржувам преземањето на сите мерки во однос на одговорноста за злосторствата, а треба да видиме и кој е најдобриот начин да го направиме тоа“, одговори Борел на новинарско прашање дали го поддржува формирањето на специјален суд кој ќе се занимава со руските воени злосторства во Украина.
Киев утрово беше изложен на силни напади со беспилотни летала, а Борел рече дека треба да се утврди за чии беспилотни летала станува збор, додавајќи дека Иран негира оти се нивни.
Данскиот министер за надворешни работи Јепе Кофод изјави дека станува збор за ирански беспилотни летала и оти ЕУ треба да одговори на тоа со „конкретни мерки“.
