Русија ќе почне со масовно производство на беспилотни летала бидејќи тие се покажаа како многу ефикасни во воената операција во Украина, изјави денеска заменик-претседателот на Советот за национална безбедност на Русија, Дмитриј Медведев.
Тој посочи дека беспилотните летала (UAVs) се докажале во современите конфликти и дека нивната употреба во војната во Украина е итна потреба, пренесе ТАСС.
„Русија допрва треба да почне со масовно производство на разни видови беспилотни летала“, порача Медведев.
