Маж од демирхисарското село Сопотница бил фатен како превезува мигранти синоќа на место викано „Страиште“, во близина на Валандово.
При преглед во товарно возило „мерцедес“, со скопски регистарски ознаки, кое го управувал С.Л. (23), во специјално направен бункер во возилото, биле пронајдени 44 лица мигранти од Сирија, од кои 14 малолетници.
Мигрантите биле спроведени во прифатно-транзитен центар, а лицето било приведено и задржано во Полициската станица Гевгелија. Во координација со Јавен обвинител, по целосно документирање на случајот против него ќе биде поднесена соодветна пријава.
