Германскиот канцелар Олаф Шолц и американскиот претседател Џозеф Бајден разговараа денеска по телефон и се согласија дека најновите нуклеарни закани на Кремљ се „неодговорни“ и дека делумната мобилизација е „сериозна грешка“, се вели во соопштението на германската влада.
Во фокусот на телефонскиот разговор, кој траеше речиси еден час, беа подготовките за претстојните состаноци на Групата седум и Групата 20, кои ќе се занимаваат со нападот на Русија врз Украина и неговите последици, се наведува во соопштението, пренесе Ројтерс.
Двајцата лидери се согласија никогаш да не ја прифатат руската анексија на украинската територија, нарекувајќи ја натамошна ескалација, соопшти германската влада.
