Големата награда на Јапонија се врати во календарот на Формула 1 по двегодишна пауза предизвикана од пандемијата на коронавирус, а на Сузука денеска, Макс Ферстапен може да биде крунисан како двократен светски шампион. Сепак, неизвесно е дали трката воопшто ќе се одржи откако се појави црвено знаме, а болидите веќе во вториот круг се повлекоа од патеката поради големото невреме.
Дождот и ветарот оневозможуваат нормално одвивање на трката.
Со оглед дека трката е означена со црвено знаме, постои реална шанса втора недела по ред да не се комплетираат сите закажани кругови. Што и да се случи, трката ќе заврши најдоцна до 10 часот по македонско време поради тричасовното ограничување во кое треба да се одржи трката. Самата трка може да трае најмногу два часа + 1 круг.
