Колона возила со телата на децата што беа брутално убиени во вчерашниот напад на детска градинка во североисточниот дел на Тајланд денеска поминаа низ улиците на На Кланг.
Телата по обдукцијата им се вратени на семејствата за да може родителите да си ги погребат најблиските што ги загубија во грозоморниот напад на детската градинка од налудничав поранешен полицаец. Поранешниот полицаец уби 34 лица, меѓу кои 23 деца на возраст од две до пет години.
По крвавата гозба, убиецот побегнал во својот дом, каде што ги убил сопругата и детето, а потоа си го одзел животот.
Осомничен за убиството е Пања Камрап, кој минатата година беше отпуштена од полицијата поради сомнение за употреба на дрога. Тој вчераутро бил во суд на рочиште поврзано со тој случај по што отишол во градинката да си го земе детето.
Кога му кажале дека детето не е во градинка, тој дивеел и извадил пиштол. Наводно со себе имал пиштол, пушка и нож и почнал да убива по случаен избор.
