Италијанскиот шампион Милан одбил да го доведе Кристијано Роналдо на „Сан Сиро“ минатото лето. Агентот Жорге Мендеш го понудил Португалецот на „росонерите“, но добил негативен одговор.
Мендеш се надеваше дека „миланезите“ ќе ја продадат нивната голема ѕвезда Рафаел Леао за да договорат преселба на Кристијано Роналдо на „Сан Сиро“. Во Милан, пак, не се согласија со таков расплет поради високите финансиски побарувања на напаѓачот на Манчестер Јунајтед.
Сепак, „росонерите“ сега се загрижени дека нема да можат да го задржат Рафаел Леао долгорочно откако преговорите за нов договор со него заглавија. Во случај да замине, Кристијан Пулишиќ и Хаким Зијех од Челзи се планираат како негова замена.
