Во Москва започна церемонијата на која Путин официјално ќе го потпише припојувањето на четири украински региони кон Русија, кои сочинуваат околу 15% од вкупната територија на Украина.
Во Кремљ се е подготвено за потпишување на четири договори за прием на нови субјекти во Руската Федерација.
Заедно со руското знаме, во салата на Св.Ѓорги поставени се и знамињата на ДНР, ЛНР, Запорошката и Херсонската област.
Претседателот на Државната Дума, Вјачеслав Володин, клучен помошник на Путин, на официјалниот Телеграм канал на Думата изјави дека Путин го информирал парламентот за официјалните барања на регионот.
Русија одржа таканаречени референдуми во четири делумно окупирани региони на Украина – Доњецк, Луганск, Херсон и Запорожје и соопшти дека огромното мнозинство гласало за приклучување кон Русија.
