Потпретседателката на Аргентина, Кристина Фернандез де Кирхнер (69), првпат јавно го коментираше обидот за нејзин атентат во Буенос Аирес.
Рекла дека е жива „поради Господ и Дева Марија“.
Таа вели дека папата Францискo ` се јавил ден по обидот за атентат за да ја утеши, пишува Би-би-си.
За време на вчерашната средба со свештениците и монахињите, Кирхнер изјавила дека чувствува дека е жива благодарение на Бога и Дева Марија.
„Ако треба да им се заблагодарам на Бога и на Марија, тогаш треба да го направам тоа опкружен со свештеници“ – изјавила таа и му се заблагодарила и на папата, кој исто така е Аргентинец.
„Папата Франциско ми се јави рано следниот ден. Разговаравме по телефон и тој ми рече дека на актите на омраза и насилство секогаш им претходат зборови на омраза и насилство“, рече Кирхнер.
El video del arma contra @CFKArgentina pic.twitter.com/8j1xpMnPoe
— Lautaro Maislin (@LautaroMaislin) September 2, 2022
За обидот за убиство на потпретседателот на Аргентина уапсени се 35-годишен маж и неговата 23-годишна девојка.
Обидот за атентат се случи кога Кирхнер со службена придружба дошла пред нејзината куќа, а 35-годишниот Бразилец – Фернандо Сабаг Монтиел се обидел да пука во неа од непосредна близина, но, пиштолот кој наводно бил наполнет со пет куршуми се закочил.