Претставници на општините од 18 области на Москва и Санкт Петербург потпишаа документ со кој бараат оставка од рускиот претседател Владимир Путин, пишува Russian Insider.
Тие планираат да испратат жалба до Државната Дума со предлог да го обвинат Путин за предавство за војната во Украина, пишува медиумот.
„Ние, општинските претставници на Русија, веруваме дека постапките на претседателот Владимир Путин и штетат на иднината на Русија и нејзините граѓани. Бараме оставка на Владимир Путин од функцијата претседател на Руската Федерација“, било наведено во изјавата на претставничката на округот Семеновски во Санкт Петербург, Ксенија Торстрем.
NEW: Deputies from 18 Moscow & Petersburg regions said Putin should resign as he is ‘harming the future of Russia & its citizens.’ It is another rumble of discontent. Yesterday Putin ally Kadyrov criticised Russia’s army for ‘astounding’ losses in Ukraine https://t.co/yJPXHDBMyU
— Emma Burrows (@EJ_Burrows) September 12, 2022
Тие наведуваат дека постапките на Путин спаѓаат во член 93 од Уставот, пишува Инсајдер. Според тој член, претседателот може да биде сменет од функцијата под обвинение за предавство или други тешки кривични дела презентирани од Државната Дума.
„Разговаравме со претставниците дека би сакале да ги поддржиме претставниците од општина Смолнинск. Но, сега, поради репресијата, тешко е да се зборува јавно. Затоа дојдовме до овој концизен текст. На пратениците се уште не им е забрането да имаат став. А исто така не е забрането да се зборува за оставка на претседателот. Не е монарх, туку наемник, платата ја зема од нашите даноци. Нашата функција е да ги застапуваме интересите на народот, а гледаме дека народот не е задоволен. А според Уставот нашиот народ е изворот на моќта. Јас лично не ги разбирам мотивите на постапките на Владимир Путин. Мислам дека не можете да бидете толку долго на власт“, додала таа.
