Прекинатиот натпревар меѓу Кадиз и Барселона продолжи откако лекарските екипи успеаја да го анимираат навивачот на домашниот тим кој доживеа срцев удар. Тој е префрлен во болница и се бори за живот.
Во меѓувреме натпреварот продолжи, а Барселона на крајот стигна до убедлива победа од 0:4. До моментот на прекинот, погодија Френки де Јонг и Роберт Левандовски, а откако мечот продолжи, во последните десетина минути, во листата на стрелците се запишаа и Ансу Фати и Осман Дембеле.
Барселона ја урна лошата традиција против Кадиз, со оглед дека немаше триумф од далечната 2006 година.
