Паштета од црн дроб „S Budget“ од 100 грама со рок на траење од 4 јули 2027 година, произведена од прехранбената индустрија „AS Commerce“ од Вишњевац, се повлекува од пазарот во Хрватска.
Паштетата се повлекува од пазарот поради зголемено количество аеробни мезофилни бактерии, информира хрватскиот државен инспекторат.
Производот што „Шпар“ го пласира на хрватскиот пазар не е во согласност со уредбата за воспоставување на општите принципи и услови на Законот за храна, формирање на Европската агенција за безбедност на храната и воспоставување процедури во областа на безбедноста на храната, пренесува „Индекс.хр“.
„Spar“ ги замолува клиентите кои го купиле тој производ да не го користат и да го вратат во најблиската продавница каде ќе им бидат вратени парите без да приложат сметка, пишува порталот.
