Италијанскиот гигант Јувентус договори трансфер на уште еден играч од Пари Сен Жермен. Откако 34. годишниот аргентински напаѓач Анхел ди Марија дојде од францускиот шампион како слободен играч на почетокот на јули, „старата дама“ ќе ја засили и неговиот сонародник Леандро Паредес.
Фабрицио Романо објави дека ПСЖ и Јувентус се договориле за трансферот на Леандро Паредес во тимот од Торино. Аргентинскиот дефанзивен играч за врска пристигнува на позајмица со опција за откуп на договорот, а вредноста на трансферот се проценува на 20.000.000 евра.
Паредес пристигна во ПСЖ во 2019 година од Зенит. Сениорската кариера ја започна во Бока јуниорс, а играше и за Рома, Киево и Емполи.
Leandro Paredes to Juventus, here we go! Full verbal agreement now completed on loan with buy option that could become mandatory, €15m plus €5m add-ons. ⚪️⚫️ #Juventus
Paredes will undergo medical tests tomorrow. pic.twitter.com/PGWfHDlFTK
— Fabrizio Romano (@FabrizioRomano) August 30, 2022
