Денеска од 15 часот и 30 минути се одиграа пет натпревари од четвртото коло во германската Бундес лига.
Борусија Дортмунд се врати на победничките патеки и по шокантниот пораз од Вердер Бремен ја победи Херта во Берлин со 1:0. Играчите кои ова лето од Келн се пресели во Дортмунд, Модесте и Озџан ја режираа победата на „милионерите“.
Модесте го постигна единствениот гол во 32.минута на асистенција на Озџан.
Лајпциг против Волфсбург ја забележа првата победа во сезоната. Двата гола за Лајпциг ги постигна Кристофер Нкунку првиот од пенал во петтата минута, а потоа и во 90.минута.
Баер Леверкузен беше убедлив во Мајнц, каде беше 3:0 за гостите и покрај тоа што „фармацевтите“ го завршија мечот со двајца играчи помалку, бидејќи Хинкапи беше исклучен во 77. минута, а Бејкер во последната минута.
Се беше готово по првите 45 минути, Паласиос го отвори резултатот во 29. минута, по што следеше канонадата на Џереми Фримпонг со два гола во 39. и 41. минута.
Унион од Берлин му нанесе тежок пораз на Шалке во Гелзенкирхен, каде на крајот беше 6:1 за клубот од главниот град.
Хофенхајм на домашен терен со минимален резултат го совлада Аугсбург, стрелец на единствениот гол беше Гајгер во 39. минута.
