Две возила се опожарени кога жена фрлила плинска боца од балкон на паркинг пред нејзината зграда.
Од МВР информираат дека опожарен бил и балконот на улицата 8 септември во Дебар.
Се работи за 70-годишна жена, а настанот се случил вчера.
„На 20 август во 11.20 часот во ОВР Дебар пријавено е дека Б.Б.(70) од Дебар, поради невнимателно ракување со плинска боца, предизвикала пожар на балконот од станот лоциран на улицата „8 септември“ во Дебар а потоа, боцата ја исфрлила на паркинг простор пред зградата. Притоа, биле опожарени патничките моторни возила „опел корса“ и „мерцедес“. Интервенирала Територијалната противпожарна единица од Дебар а увид на местото извршила полициски екипи“, соопшти МВР.