Сомалиските сили ја прекинаа опсадата на хотел во главниот град на Сомалија, Могадишу, изјави воен офицер за Ројтерс, додавајќи дека сè уште ги отстрануваат експлозивите расфрлани околу зградата.
Најмалку 12 лица, од кои повеќето цивили, загинаа додека елитните вооружени сили на Сомалија водеа 30-часовна битка против милитантите поврзани со Ал Каеда кои упаднаа во хотелот Хајат со два автомобили бомби и отворија оган во петокот вечерта.
As of right now, a battle is going on in Mogadishu, Somalia’s capital.
Al-Shabab militants storm the Hayat hotel, where the head of intelligence Muhudin Warbak is located.#Somali pic.twitter.com/2dJJuVZFjD
— 301 Military (@301military) August 19, 2022
„Сè уште ги истражуваме експлозиите кои беа расфрлани околу хотелот“, рече Мохамад Али, воен офицер на местото на настанот.
Француската новинска агенција France-Presse претходно објави дека сите напаѓачи се убиени, цитирајќи го командантот за безбедност.
Нападот во петокот беше првиот ваков голем инцидент откако претседателот Хасан Шеик Мохамуд ја презеде функцијата во мај.