Министерството за надворешни работи на Тајван соопшти дека денешната посета на претседателката на Претставничкиот дом на САД, Ненси Пелоси, на земјата ја покажува американската „челична поддршка“ за Тајван.
Тајванското министерство ѝ изрази најискрено добредојде на Ненси Пелоси, наведувајќи дека нејзината посета ќе придонесе за подобрување на односите меѓу Тајван и САД, објави „Ројтерс“.
Истовремено, од кабинетот на тајванскиот претседател соопштија дека Тајван се надева оти посетата на Пелоси ќе придонесе за продлабочување на соработката меѓу двете земји, како и за мирот и стабилноста во индо-пацифичкиот регион, пренесе британската агенција.