Часовник за кој се тврди дека му припаѓал на Адолф Хитлер е продаден за 1,1 милион долари на аукција во САД, јавува Би-Би-Си.
На часовникот „Хубер“, кој му бил продаден на анонимен понудувач, има свастика и на него се изгравирани иницијалите А.Х., пишува Би-би-си.
Еврејските здруженија ја осудија аукцијата. Меѓутоа, аукциската куќа, која претходно продавала нацистички предмети, за германските медиуми изјавила дека нејзината цел е „да ја зачува историјата“.
Во каталогот стои дека часовникот најверојатно му бил даден на Хитлер за неговиот роденден во 1933 година.