Претседателот на ОН потврди дека организацијата е подготвена да испрати група експерти за да го истражат вчерашното гранатирање на затвор во селото Оленивка, во област контролирана од проруските сепаратисти.
Во нападот биле убиени 5о украински воени заробеници. Меѓу нив има и членови на Азовскиот полк, кои беа заробени од Русите по падот на фабриката за челик Азовстал во Мариупол.
ОН соопштија дека се подготвени да испратат експерти за да го истражат нападот, но само доколку претходно добијат согласност од украинската и руската страна.
Американскиот шеф на дипломатијата Ентони Блинкен вчера и изразил сочувство на Украина за смртта на воените заробеници во телефонски разговор со неговиот украински колега, соопшти американскиот Стејт департмент.
Русија и Украина меѓусебно се обвинуваат за нападот.