Американскиот претседател Џо Бајден повеќе не е во изолација откако доби два негативни теста за коронавирус.
Тој беше тестиран минатата ноќ и повторно денеска, според лекарот на Бајден, Кевин О’Конор. Во писмото на О’Конор објавено од Белата куќа, се наведува дека Бајден го завршил лекувањето со лекот паксловид и нема температура.
Со оглед на овие фактори и два негативни теста, Бајден ги прекинува строгите мерки за изолација, пренесува АП.
Во текот на денот се очекува тој да присуствува на состанок во Белата куќа.