Легендарниот германски тенисер Борис Бекер се соочува со депортација од Велика Британија по отслужувањето на затворската казна. Тој е осуден на две и пол години затвор за даночно затајување и проневера по стечај.
Првите недели ги помина во озлогласениот затвор „Вандсворт“, а потоа беше префрлен во „ХМП Хантеркомб“, на 70 километри од Лондон.
Според англиските медиуми, на Бекер му се заканува депортација од таа земја како странец осуден за кривично дело.
Бекер живееше во Британија во последните 10 години, а по отслужувањето на казната тоа најверојатно повеќе нема да биде можно.
Богатството на Германецот некогаш се проценуваше на 127 милиони фунти, но подоцна низ годините тој банкротираше.