Украинските сили постепено напредуваат кон областа Херсон, која беше окупирана од Русија на почетокот на инвазијата на Украина, рече украинскиот претседател Володимир Зеленски во видео обраќање доцна во саботата.
„Окупаторите се обидоа да воспостават упориште таму, но колку тоа им помогна? Украинските вооружени сили напредуваат чекор по чекор кон таа област“, рече Зеленски, според Ројтерс.
Руската армија, која го започна својот напад од Крим, ја зазеде областа Херсон на почетокот на март.