Принцезата Шарлин од Монако ја прекина традицијата кога на приватната аудиенција кај папата Франциско во средата се појави во црн фустан кој откри дел од нејзините раменици. Таа го посети папата во Ватикан во друштво на нејзиниот сопруг, принцот Алберт, пренесува Zadovoljna.hr.
Вообичаениот протокол, имено, налага жените да доаѓаат во скромни, црни фустани, со покриени раменици, особено ако приемот е во затворен простор. Во минатото, велот беше задолжителен дел од протоколот, но со текот на годините ова правило беше олабавено, анализира медиумот.
Исто така, постои исклучок, имено „привилегија на бело“ според која католичките кралици и принцези можат да носат бело на прием, канонизации, беатификација и специјални миси.
Сепак, дамите кои ја имаат оваа привилегија не ја користат секој пат, што го потврди и принцезата Шарлин со изборот на црн фустан, коментира медиумот.
Во анализите на написите се додава дека горниот дел и ракавите на нејзиниот фустан со чамец врат се изработени од проѕирен материјал.
Фустанот со средна должина е прицврстен на половината, додека долниот дел се издигнува во здолниште во А линија. Заедно со фустанот, принцезата носела и црн превез и бројаница со златен крст, како и беж чевли со високи потпетици.