Централниот комитет на ВМРО-ДПМНЕ ја одржа својата редовна седница во Велес, на која се дискутира за актуелните политички случувања во државата.
На седницата се донесоа два заклучока:
1. Централниот комитет на ВМРО-ДПМНЕ најостро ги осудува атаката и загрозувањето на безбедноста на пратеникот Петар Ристески изразен преку палење на неговиот автомобил, како и палењето на автомобилот на началничката на секторот за урбанизам во Општина Прилеп.
Централниот комитет на ВМРО-ДПМНЕ бара итно да бидат изведени пред лицето на правдата не само сторителите туку и организаторите на тој дрзок и криминален чин, а кои се наоѓаат во врвот на власта, да не се замајува јавноста со периферни ликови, кои треба да служат за алиби и одолжување на вниманието од вистинските сторители и инспиратори.
2. Централниот комитет им дава целосна и силна поддршка на пратениците од ВМРО-ДПМНЕ и на коалицијата во нивната одлука да се спротивстават на уставните измени како еден од најзначајните механизми на спречување на процесот на идентитетско обезличување и асимилација, кои ги прифати антимакедонска власт на предавникот Ковачевски.