Најискусниот играч на Вардар, Тимур Дибиров го напушти тимот, реши да се пресели во Загреб. Оваа одлука рускиот репрезентативец ја донесе откако ЕХФ му забрани на Вардар да настапи во Лигата на шампионите.
Дибиров девет години го носеше дресот на Вардар, учествуваше во освојувањето на двете титули во Лигата на шампионите.
Дибиров во Загреб ќе игра со поранешните соиграчи од Вардар, Иван Чупиќ и Вуко Борозан.
„Сум играл со некои играчи претходно (Борозан и Чупиќ), исто така сум се натпреварувал со некои, а со некои допрва ќе се запознаам. Верувам дека ростерот на Загреб е добро среден и дека е идеална комбинација на младост и искуство. Мислам дека нашиот тим има што да докаже и дека оваа сезона пријатно ќе изненадиме“, изјави Дибиров за клупскиот сајт.
Ова за Тимур ќе биде трет клуб во кариерата, претходно беше дел од Чеховски Медведи.