Британската национална метеоролошка служба денеска прогласи вонредна состојба и издаде предупредување за екстремни горештини во делови од Англија в понеделник и вторник следната недела кога температурите би можеле да бидат рекордни.
„Екстремни, веројатно рекордни температури, најверојатно, ќе има в понеделник, а потоа повторно во вторник“, објави службата на својата веб-страница, според „Ројтерс“.
Претходно оваа недела, Националната метеоролошка служба на ОК и Агенцијата за здравствена безбедност на Обединетото Кралство (UKHSA) издадоа предупредување за топлина на ниво 3 за југоисточна Англија, Лондон и источна Англија, а предупредување од ниво 1 е во сила за северна Англија.