Утрински Весник
Македонија

Ковачевски – Фон дер Лаен: Време е за мудри одлуки, македонскиот јазик и идентитет во ЕУ се заштитени

Премиерот Димитар Ковачевски денеска имаше тет-а-тет средба со претседателката на Европската комисија, Урсула фон дер Лаен.

dobivaj vesti na viber

На средбата Ковачевски и Фон дер Лаен разговараа за најважните прашања поврзани со проширувањето на Европската Унија. Беше констатирано дека сега е моментот кој треба Северна Македонија да го искористи за прифаќање на европскиот предлог, што понатаму значи и одржување на првата меѓувладина конференција и почеток на преговорите за членство во ЕУ.

Она што беше нотирано од страна на претседателката на Европската комисија Фон дер Лаен, е дека местото на Северна Македонија и Западен Балкан е во Европската Унија и тоа е единствениот пат кој води кон подобра иднина за сегашните и идните генерации.

Ковачевски и Фон дер Лаен, како што прецизираат во владиното соопштение, уште еднаш потенцирале дека со европскиот предлог не се загрозува на ниту еден начин идентитетот, културата, историјата и македонскиот јазик.

На средбата било дискутирано, дека во контекст на новите гео-политички околности, многу е значајно деблокирањето на евроинтеграцискиот процес и почетокот на преговорите за нашето членство во Европската Унија, што е важно за целокупниот напредок на Северна Македонија.

Било истакнато дека одлуките кои се носат сега ја гарантираат иднината на земјата, и затоа се потребни мудри и државнички потези кои водат кон просперитет, развој на демократските вредности и севкупен економски напредок.

Можете да прочитате

Филипче: Ние знаеме кои сме и на кој јазик говориме, ова е загарантирано и со договорите со ЕУ

Мицкоски по повод 80 години од формирањето на Црвениот крст: Во периодот кој што следи ќе ја продлабочиме соработката

Димитриевски ја поддржува ВМРО-ДПМНЕ: Орце Ѓорѓиевски е добар избор за Скопје