Во Австрија драстично расте бројот на новозаразени со коронавирусот и во последните 24 часа се регистрирани 15.149 нови случаи, што е бројка која последен пат беше регистрирана на почетокот на април, анализираат локалните медиуми.
Во последните 24 часа починале девет лица заразени со ковид.
Главен фокус е Виена со 3.953 новозаразени, а по неа е Долна Австрија со 3.083.
Меѓу новозаразените во последните 24 часа е и министерката за правда на Австрија, Алма Задиќ.
Таа била позитивна на коронавирусот и е во домашна изолација, од каде, како што е соопштено, продолжува со својата работа.