За наследник на Борис Џонсон на местото британски премиер и лидер на Конзервативната партија ќе се натпреваруваат осум кандидати, објави одборот одговорен за организирање внатрепартиски избори.
На листата се Кеми Баденок, Суела Браверман, Џереми Хант, Пени Мордант, Риши Сунак, Том Тугендхат, Лиз Трас и Надим Захави.
Пратениците Саџид Џавид и Реман Кристи имаа намера да се кандидираат, но се повлекоа пред да биде објавен конечниот список, пренесува „Ројтерс“.
На кандидатите им беше потребна поддршка од најмалку 20 конзервативци за да влезат на листата.
Првиот круг на гласање почнува утре.