Демонстранти блокираа мост во централна Будимпешта додека парламентот расправаше за владиниот предлог на премиерот Виктор Орбан за зголемување на даноците на стотици илјади мали бизниси, пренесуваат локалните медиуми.
Демонстрантите се собрале на плоштадот пред парламентот, а потоа се упатиле кон блискиот мост на Дунав, блокирајќи го сообраќајот во двата правци на мостот што ги поврзува Будим и Пешта.
We have been blocking Margaret Bridge in Budapest for over an hour now, in protest against modifying the tax law in a way that makes it even harder for small taxpayer enterprises. Sign the petition:https://t.co/sI6tUdpJok pic.twitter.com/1WhMKOQRwE
— aHang (@szabadahang) July 12, 2022
Орбан се соочува со најголемите предизвици откако ја презеде власта во 2010 година – највисока инфлација во последните 20 години, рекордно низок курс на форинтата и замрзнати средства од европските фондови поради спорот за демократските стандарди, анализираат медиумите. Во понеделникот, неговата влада испратила до парламентот измени на законот со кои драстично се заострува даночниот режим што малите бизниси го користеа за едноставна администрација и ниски даночни стапки.
Но, владата, како што пишува во написите вели дека некои компании го злоупотребиле и ги принудиле работниците да влезат во шемата за да ги намалат трошоците, што доведува до форма на прикриена работа. Откако ќе бидат усвоени од парламентот, новите правила треба да стапат на сила во септември.