Украинскиот претседател Володимир Зеленски на својот профил на Твитер објави телефонски разговор со претседателот на Турција, Реџеп Таип Ердоган.
Зеленски изјави дека му се заблагодарил на Ердоган кој упатил сочувство во врска со новите цивилни жртви на руската агресија.
– Ја цениме поддршката на Турција. Разговаравме за важноста од деблокирање на украинските пристаништа и за продолжување на извозот на жито. Мора да ја спречиме и Русија да ни го земе житото – напиша Зеленски.
Провів перемовини з Президентом ???????? @RTErdogan. Подякував за висловлені співчуття щодо чергових мирних жертв агресії РФ. Цінуємо підтримку ????????. Обговорили важливість розблокування ???????? портів та відновлення експорту зерна. Також маємо запобігати вивезенню Росією нашого зерна з ТОТ.
— Володимир Зеленський (@ZelenskyyUa) July 11, 2022
Ердоган, истакнувајќи дека посакува што поскоро да се воспостави мир во Украина, рече дека продолжуваат да работат на планот подготвен од Обединетите нации за испорака на украински житарки на светскиот пазар.
Инаку, турскиот претседател претходно денеска имаше телефонски разговор со рускиот лидер Владимир Путин.