Наместо брзо и едноставно решение, трансферот на Паоло Дибала полека се претвора во „шпанска серија“. Аргентинецот е слободен играч откако му заврши договорот со Јувентус. Се чинеше дека тој ќе се пресели во Интер, но се уште нема напредок во преговорите. Поради тоа се појави други клубови кои би сакале да го донесат Дибала.
Прво, интерес покажа Милан, потоа Монца, Манчестер јунајтед го обнови интересот, а во трката, како што тврдат медиумите во Италија се вклучил и Наполи.
Наполи веќе остана без Лоренцо Инсиње, клубот ќе го напушти и ветеранот Дрис Мертенс, а доколку стигне понуда од 100 милиони евра Наполи ќе го продаде Виктор Осимен. Во едно такво сценарио, клубот би имал доволно пари да ги исполни финансиските барања на Дибала.
Фудбалерот бара годишна плата од седум милиони евра, плус одредени бонуси.