Утрински Весник
Свет

Европскиот парламент со резолуција побара Србија да го признае Косово, Вучиќ одговори

Членовите на Европскиот парламент (ЕП) усвоија резолуција во Стразбур во која се наведува дека напредокот на Србија кон ЕУ директно ќе зависи од зајакнувањето на владеењето на правото, нормализирањето на односите со Косово и усогласувањето со европската надворешна и безбедносна политика, што вклучува воведување санкции против Русија.

dobivaj vesti na viber

Резолуцијатабеше усвоена на пленарната седница на ЕП со 523 гласа „за“, 78 „против“ и 34 воздржани.

Со резолуцијата, Европскиот парламент за првпат ги повикува Србија и Косово да постигнат договор за нормализација на односите „врз основа на взаемно признавање“.

Српскиот претседател, Александар Вучиќ, изјави дека нема ни да го разгледа барањето на Европскиот парламент за Косово.

Тој кажа како Србија ќе одговори:

„Убаво, пристојно и учтиво – нема. Можеме ли да направиме нешто попристојно? Не ни паѓа на памет. Можеме ли да направиме нешто уште попристојно? Нема ни да разгледуваме”, беше јасен Вучиќ.

На прашањето дали ќе се согласи да оди на дијалог со Албин Курти, Вучиќ рече дека би сакал, но дека никој не му се јавил и дека не гледа смисла во тоа.

Можете да прочитате

Лавров: Русија сака да ги разбере мотивите зад рокот од 50 дена на Трамп

Пет земји од ЕУ се против нов трговски договор со Украина поради загриженост за земјоделските пазари

Украинскиот парламент одобри продолжување на воената состојба и општата мобилизација во Украина за уште три месеци