Според шефицата на германската дипломатија Аналена Бербок „Северна Македонија не смее да ја пропушти можноста“ која ја нуди францускиот предлог.
„Искористувањето на оваа можност е од огромен стратешки интерес за ЕУ и за Северна Македонија. Сега е време да тргнеме напред“, пишува Бербок на Твитер.
The Western Balkans are at the heart of Europe and close to my own heart. Their future must lie in the EU. The compromise presented by the French Presidency for the start of accession talks with #NorthMacedonia is an opportunity that should not be missed. 1/2
— Außenministerin Annalena Baerbock (@ABaerbock) June 30, 2022
Претходно, францускиот претседател Емануел Макрон соопшти дека Северна Македонија и Бугарија постигнале компромис за надминување на спорот околу содржината на Преговарачката рамка со која Скопје треба да ги води преговорите со ЕУ.
„Мислам дека најдовме компромис околу спорот меѓу Бугарија и Северна Македонија за Преговарачката рамка за влез во ЕУ“, изјави францускиот претседател Емануел Макрон на маргините на самитот на НАТО во Мадрид.
Владата во Скопје соопшти дека „пристигнал предлог со идеи“ од француското претседателство со ЕУ.