Бројот на загинатите во рускиот ракетен напад врз трговски центар во централниот украински град Кременчук се искачи на 18. Приближно 60 лица беа повредени во вчерашниот напад, а повеќе од 40 лица се водат како исчезнати, јавуваат агенциите.
Францускиот претседател Емануел Макрон објави видео на Твитер што е снимено по нападот.
Russia’s bombing of a shopping centre in Kremenchuk is an abomination. We share the pain of the victims’ families, and the anger in the face of such an atrocity. The Russian people have to see the truth:pic.twitter.com/7drortbGSE
— Emmanuel Macron (@EmmanuelMacron) June 27, 2022
„Ја споделуваме болката на семејствата на жртвите и гневот поради таквото злосторство. Рускиот народ мора да ја види вистината“, напиша Макрон.
Украина ја обвини Русија за нападот, велејќи дека се користени ракети воздух-земја Х-22 истрелани од бомбардери со долг дострел Ту-22.