Портпаролот на Кремљ, Дмитриј Песков, вели дека потезите на земјите членки на Г7 за забрана на руското злато се незаконски и потенцира дека ќе побараат нови пазари за да ги заобиколат санкциите.
„Пазарот со благородни метали е глобален. Прилично е голем, опширен и разнолик“, вели Песков, го цитира „Интерфакс“.
Тој вели дека „ако пазарот ја загуби својата привлечност како резултат на недопустливите одлуки, ќе дојде до пренасочување таму каде што побарувачката е поголема“.
Велика Британија, САД, Канада и Јапонија одлучија на состанокот на Г7 во Германија да го забранат увозот на руско злато во новите пакет-мерки кон Москва поради нејзините санкции кон Украина.
Извозот на злато е втор најголем извор на приходи за Русија. Годишно произведуваат меѓу 350 и 380 тони од овој драгоцен метал.