Шпанските медиуми пишуваат дека Дани Олмо бил нападнат и ограбен во Валенсија каде е на одмор. Играчот на Лајпциг бил нападнат на улица откако излегол од фризерски салон.
Украден му е часовникот вреден околу 30 илјади евра. Шпанците пишуваат дека разбојниците го чекале фудбалерот во заседа.
Дани бил придружуван од неговиот брат, кој бил повреден кога се обидел да ги спречи разбојниците да избегаат. Завршил во болница, каде му била укажана лекарска помош. Тој не бил сериозно повреден.
Дани Олмо, од јануари 2020 година е играч на Лајпциг. Тогаш Лајпциг го купи од хрватскиот шампион Динамо за 29 милиони евра.
> Олмо ограбен во Валенсија, неговиот брат завршил во болница <