Полициски службеници од Полициската станица за граничен премин Богородица, рано утрово, околу 4:30 часот, кај место викано Табла кај селото Богородица ги лишиле од слобода А.З. (24) и Ј.С. двајцата од тетовското село Копачин Дол.
Како што информираат од МВР, при извршена контрола на товарно возило „форд транзит“, со скопски регистарски ознаки, управувано од А.З., во кое совозач бил С.Ј. биле пронајдени 40 мигранти (30 од Пакистан, 6 од Авганистан и 4 од Индија).
Поради сомнение за извршено кривично дело криумчарење на мигранти, возачот и совозачот се приведени во полициска станица и по документирање на случајот против нив ќе биде поднесен соодветен поднесок.
Мигрантите се пренесени во прифатно-транзитниот центар „Винојуг“ Гевгелија.