Украинскиот претседател Володимир Зеленски денеска изјави дека Русија во моментот контролира 20 отсто од територијата на Украина.
„Мораме да се браниме од речиси целата руска армија. Сите борбено подготвени руски воени формации се вклучени во оваа агресија“, рече Зеленски во видеообраќање пред Парламентот на Луксембург, а пренесува агенцијата „Ројтерс“.
Тој додаде дека линијата на фронтот се протега на повеќе од 1.000 километри.