Унгарскиот премиер, Виктор Орбан, го поздрави компромисот oколу ембаргото за руската нафта.
„Постигнат е договор. Унгарија е изземена од нафтеното ембарго!
Унгарските семејства можат мирно да спијат вечерва, ја спречивме идејата од која се крева косата на главата“, рече Орбан во видео-порака објавена на „Фејсбук“.
Целосната забрана за увоз на руска нафта би била неподнослива за Унгарија како атомска бомба, рече Орбан, додавајќи дека успеал да го спречи тоа.