Претседателот на Обединетите Арапски Емирати, шеикот Калифа бин Зајед Ал Нахјан почина на 73-годишна возраст, оставајќи му на семејството богатство од околу 140 милијарди евра.
Долгогодишниот лидер на Абу Даби почина во петокот, јавува државната новинска агенција ВАМ.
Според државната новинска агенција ВАМ, во соопштението се вели: „Министерството за претседателски работи изразува сочувство до народот на ОАЕ, арапските и исламските нации и светот за смртта на Неговото Височество Шеик Калифа бин Зајед Ал Нахјан, претседател на ОАЕ“.
Сега земјата ќе влезе во 40-дневна жалост. Властите ја прекинаа целата работа во министерствата, одделенијата, федералните и локалните институции и приватниот сектор на три дена, почнувајќи од петок.
Шеикот Калифа е претседател на ОАЕ од 2004 година по смртта на неговиот татко. Роден во 1948 година, тој беше втор претседател на ОАЕ и 16-ти лидер на Абу Даби.
#BREAKING UAE President Sheikh Khalifa bin Zayed Al Nahyan dead: official media pic.twitter.com/WscE1CxrSx
— AFP News Agency (@AFP) May 13, 2022