Барселона покажа зошто е фаворит за освојување на нова титула од ЕХФ Лигата на шампиони, откако во првиот меч од четврт-финалето стигна до 33:29 (18:13) победа на гости кај Флензбург.
Првото полувреме на гостите беше посебно импресивно, во кое напрвија предност од пет гола (18:13), по што во второто успеаја да се одбранат од обидот на камбек на бундеслигашот, кој пропушти шанса да дојде на -2, за на крајот да патува со четири гола негатива во „Палау Блауграна“.
Јусеф Бен Али беше предводник на каталонскиот клуб со 8 постигнати голови, Дика Мем додаде шест, а Алеиш Гомез пет гола, додека за Флензбург најефикасен беше Емил Јакобсен со 9 гола.
> Барса си ја „заврши“ работата уште во Флензбург? <