НАТО треба да го зголеми распоредувањето на војниците во Литванија и другите области на источна Европа по руско-украинскиот конфликт, изјави литванскиот претседател Гитанас Науседа пред германската министерка за надворешни работи Аналена Бербок за време на денешниот состанок во Вилнус.
„Баталјонот на НАТО треба да се трансформира барем во бригада, а во исто време да се подобри воздушната одбрана“, изјави Науседа, пренесува Ројтерс.
Тој повика на засилување на единствениот копнен дел што е врска меѓу Балтикот и остатокот од ЕУ, а тоа е тесниот појас меѓу Белорусија и руската енклава Калининград, познат како коридор Сувалки.
