Над два милиони луѓе се загрозени од тропската бура Меги, која ги погоди Филипините, а животот го загубија 172 лица, соопшти Националниот центар за управување со вонредни состојби.
Според центарот, 110 лица се водат за исчезнати.
Невремето зафати девет региони, а повеќе од 395.000 луѓе се раселени, јави агенцијата ТАСС.
Предизвикана е материјална штета која се проценува на 4,78 милиони долари. Невремето оштети речиси 10.000 домови, а десетици градови остави без електрична енергија.
