Во пожар во хемиска фабрика во јужна Индија загинаа најмалку шест лица, а 12 се повредени, изјави денеска владин претставник за Ројтерс.
Тој истакна дека во уште една ваква несреќа оваа недела може да се потврдат повеќе жртви.
Factory fire kills six in southern India https://t.co/86VDaJA9Xs pic.twitter.com/onNFNWEmGK
— GNN (@gnnhdofficial) April 14, 2022
Снимките од местото на настанот, обезбедени од владини претставници покажуваат голем пожар, при што најмалку две тела лежат на подот на фабрика во сојузната држава Андра Прадеш, наведува британската агенција.
– Постои можност бројот на жртви да се зголеми. Станува збор за фабрика за хемиска обработка и таму се складирани боци со гас – изјави за Ројтерс В. Прасана Венкатес, службеник во областа Елуру каде што се наоѓа фабриката.
Тој изјави и дека засега не е позната точната причина за пожарот, кој надлежните го истражуваат, но можно е да се работи за експлозија на плински боци.
Оваа недела, во пожар предизвикан од експлозија во хемиска фабрика во сојузната држава Гуџарат, на западот на Индија, загинаа шест лица, јавува Ројтерс.
