Кина не смее да попушти пред мерките против коронавирусот, изјави денеска кинескиот претседател Шји Џинпинг за време на неговата посета на островот Хаинан на југот на земјата.
Шји посочи дека Кина мора да продолжи со својата строга политика на нулта толеранција и да се бори да го минимизира влијанието на мерките врз економијата и општеството, пренесува „Ројтерс“.
Изјавата на кинескиот претседател уследи по еден од најголемите градови во земјата, Шангај, под голем притисок во обид да се запре најголемата кинеска епидемија на Ковид-19, откако коронавирусот првпат беше откриен во градот Вухан, на крајот на 2019 година.
Властите ги предупредија сите жители, од кои милиони се затворени во своите домови и се борат да ги добијат неопходните дневни потреби, да не шират лажни информации или да фалсификуваат патни карти или други писмени одобренија.
Шангај денеска пријави повеќе од 25.000 нови случаи.
