Проруските сепаратистички сили во регионот на Донецк негираа дека користеле хемиско оружје во јужниот пристаништен град Мариупол, објави руската новинска агенција „Интерфакс“.
Едуард Башурин, командант на сепаратистите, изјави дека хемиски агенси не биле користени и покрај тврдењата од Украина дека руските сили извршиле хемиски напад.
Заменик-министерката за одбрана на Украина, Хана Маљар, претходно изјави дека Киев ги проверува информациите оти Русија можеби користела хемиско оружје во нападот на Мариупол.
